OpenAI ने नुकताच एक मोठी अपडेट जाहीर केली. त्यांनी काही अँप्स थेट चॅटजीपीटी मध्ये समाविष्ट केले आहेत. canva , spotify सारख्या अँप्स बरोबर आता थेट चॅटजीपीटी मधूनच काम करता आहे येणार आहे.

हे अँपल आणि गुगल यांच्या अँप्स स्टोअर साम्राज्यासाठी मोठं आव्हान आहे. या दोन्ही कंपन्या अँप स्टोअर मधून बक्कळ पैसे कमवत आहेत. ते मार्केट OpenAI आता स्वतःकडे खेचत आहे.

पण मला एका वेगळ्या गोष्टीकडे तुमचं लक्ष वेधून घ्यायचं आहे -

अँप स्टोअर आणि चॅटजीपीटी स्टोअर मध्ये एक मूलभूत फरक आहे. अँप स्टोअर ऍप्समध्ये ढवळाढवळ करत नाहीत. चॅटजीपीटी मात्र अँप स्टोअर कसे वापरायचे हे ठरवत आहे. अँप मध्ये वेगवगेळी बटणे दाबण्यापेक्षा आता थेट तुम्ही अँप्स सोबत ChatGPT मार्फत बोलू शकता.

AI बऱ्याच गोष्टी नष्ट करत आहे. पण त्याचा पहिला घाला पडतोय तो बटणांवर. तो दिवस दूर नाही जेव्हा सर्व ऍप्सची सर्व बटणे निघून त्याजागी केवळ चॅट बॉक्स असेल. हळूहळू बटणे ऍप्स मधून जातील. मग हळूहळू अँप्स फोन मधून जातील. कोणतेही विशिष्ट अँप ओपन करण्याऐवजी आपण फोनबरोबर चॅट करून पाहिजे ते काम करून घेऊ शकतो.

================

मातृभाषेतून शिकूया, प्रगती करूया !

असे आणखी माहितीपूर्ण लेख, व्हीडीओ, ऑडिओ मिळविण्यासाठी आणि मराठीतून शिकण्यासाठी आजच व्हॉट्सअ‍ॅप वर आमचा ग्रुप जॉइन करा. त्यासाठी

https://chat.whatsapp.com/Ip4ab5E7gGU52GQS3uC7pq

येथे क्लिक करा.

================

पण हे इथेच थांबणार नाही. हळूहळू फोनची देखील आवश्यकता राहणार नाही. काही टाईप करण्याची आवश्यकता राहणार नाही. मोबाईल स्क्रीन डोळ्यावरील चष्म्यामध्ये येईल. आपण केवळ आवाजाने किंवा हातवारे करून ते नियंत्रित करू शकू.

स्टिव्ह जॉब्स ने जेव्हा झेरॉक्सच्या लॅब मध्ये कम्प्युटर माउस पहिला. तेव्हा त्याने ती कल्पना लगेच चोरली. असंख्य बटणांऐवजी आता केवळ तीन बटनांवर संगणक वापरता येईल आणि त्यामुळे जास्तीत जास्त लोक संगणक वापरतील हे त्याने हेरले. पुढे स्मार्ट फोनमध्ये पण त्याने तेच केले. नोकिया किंवा ब्लॅकबेरीच्या फोनमधील बटणेच काढून टाकली. ज्यांना फोन वापरणे किचकट वाटत होते अचानक फोन त्यांच्यासाठी सोपा झाला.

Open AI चा सॅम अल्टमॅन किंवा मेटा चा मार्क झुकरबर्ग आता तेच करू पाहत आहेत. आपल्याला मशीन बरोबर बोलता यावं म्हणून तयार झालेली बटणं . आता आपल्याला थेट मशीन बरोबर बोलता येतंय म्हणून पहिला जॉब या बटणांचाच जाणार आहे !!

सलिल सुधाकर चौधरी

नेटभेट ई-लर्निंग सोल्युशन्स

मातृभाषेतून शिकूया, प्रगती करूया !