नमस्कार मित्रांनो,

नेटभेट AI Newsletter मध्ये आपले स्वागत आहे.🙏

📰AI जगात काय घडतंय?

Samsung ची Vision AI

Samsung कंपनीने त्यांच्या 2025 मधल्या स्मार्ट TV साठी नवीन "Vision AI" तंत्रज्ञान जाहीर केलं आहे. यामध्ये "Click to Search" नावाची सुविधा असणार आहे - TV स्क्रीनवर दिसणाऱ्या कोणत्याही गोष्टीवर क्लिक केल्यावर त्याबद्दलची माहिती मिळेल, जसं की अभिनेते, ठिकाणं किंवा वस्तू. दुसरी सुविधा आहे "Live Translate" - ही सुविधा परदेशी भाषेतल्या चित्रपटांचे subtitles लगेच मराठीत भाषांतर करून दाखवेल.

जग सिम्युलेट करण्याचा Google चा प्रयत्न

Google च्या DeepMind टीमने एक नवीन प्रकल्प सुरू केला आहे ज्याला ते "world models" म्हणतात. या प्रकल्पाचं उद्दिष्ट आहे असं AI तयार करणं जे खऱ्या जगासारखं वातावरण तयार करू शकेल. याचा उपयोग video games, चित्रपट आणि robots च्या training साठी होऊ शकतो.

Nvidia चा जगातला सर्वात छोटा AI सुपर कॉम्प्युटर

Jensen Huang यांनी त्यांच्या प्रसिद्ध लेदर जॅकेटमध्ये Project DIGITS नावाचा नवीन सुपर कॉम्प्युटर दाखवला. हा एवढा छोटा आहे की डेस्कटॉपवर बसू शकतो पण त्यावर मोठमोठे AI मॉडेल्स चालवता येतात. या कम्प्युटर च्या मदतीने कोणीही स्वतः chatgpt सारखं AI मॉडेल बनवू शकते.

Qualcomm ची नवीन चिप्स

Qualcomm ने CES 2025 मध्ये नवीन AI तंत्रज्ञान दाखवलं. त्यांनी PC साठी Snapdragon X प्लॅटफॉर्म आणि कार्ससाठी नवीन चिप्स बनवली आहेत. Alpine, Amazon, आणि Sony Honda Mobility सारख्या कंपन्यांबरोबर ते काम करत आहेत.

रोबोट्स आता स्वतःच शस्त्रक्रिया शिकू शकतात

Stanford आणि Johns Hopkins येथील संशोधकांनी एक नवा प्रयोग केला - त्यांनी रोबोट्सना शस्त्रक्रियांचे व्हिडिओ दाखवून त्यांना स्वतः शिकायला लावलं. रोबोट्स गाठी बांधणं, जखमा साफ करणं अशी कामं करू शकतात आणि चुका झाल्या तर त्या सुधारूही शकतात. पुढच्या दहा वर्षांत अमेरिकेत 20,000 सर्जन्सची कमतरता भासू शकते, तेव्हा हे रोबोट्स मदत करू शकतील.

OpenAI चा पहिला AI एजंट लवकरच येणार

Sam Altman च्या कंपनीकडे AI एजंट्स नाहीत, जे Anthropic आणि Alphabet कडे आहेत. पण आता त्यांचा एक GPT-वर चालणारा टूल येणार आहे जो इंटरनेट वापरू शकेल. हे काही आठवड्यांतच येऊ शकतं.

​🤖PROMPT OF THE WEEK

आपल्या मनाला सकारात्मक ठेवायचं असेल, emotional strength वाढवायची असेल आणि खरंच आनंदी राहायचं असेल, तर कृतज्ञता हा एक अतिशय प्रभावी मार्ग आहे. जेव्हा आपण एखाद्या कृतज्ञता मार्गदर्शकासोबत (gratitude coach) बोलतो, तेव्हा त्यांची भूमिका असते की आपल्याला एक सुरक्षित आणि supportive वातावरण मिळावं, ज्यामध्ये आपण स्वतःबद्दल विचार करू शकतो आणि सकारात्मक राहू शकतो. आता असा मार्गदर्शक तुम्हाला शोधावा लागणार नाही खाली दिलेला prompt तुमची यामध्ये नक्की मदत करेल.

Promt :

^{Act as my gratitude coach. Start by asking me to list 3 things I'm grateful for and why. After each response, encourage me to think of more things, delving deeper into why I appreciate these aspects of my life. Keep the dialogue going until I say so, helping me to continuously recognize and articulate the positive elements around me. This exercise aims to retrain my focus towards gratitude, enhancing my overall sense of happiness and contentment.}