एकीकडे आपण जमिनीवर वाढत्या उष्णतेचा सामना करत आहोत, तर दुसरीकडे तंत्रज्ञान जगतातील दिग्गज कंपन्या चक्क समुद्राच्या खोलवर (Underwater) आपले डेटा सेंटर्स हलवण्याच्या तयारीत आहेत. सध्या चीनमध्ये यावर वेगाने चाचण्या सुरू आहेत!

AI मॉडेल्स ट्रेन करणे, चॅटबॉट्स चालवणे आणि 'इन्फरन्स'साठी प्रचंड मोठ्या सर्व्हर्सची गरज लागते. हे सर्व्हर्स चालताना इतकी उष्णता निर्माण करतात की त्यांना थंड ठेवण्यासाठीच अर्धी वीज खर्च होते.

यावर उपाय? समुद्र! चीन आता हैनान (Hainan) सारख्या भागात समुद्राच्या तळाशी सीलबंद डेटा सेंटर मॉड्यूल्स बसवत आहे. शांघायजवळ तर काही प्रकल्प थेट 'ऑफशोर विंड फार्म' (समुद्रातील पवनचक्की) ला जोडले जात आहेत.

================
मातृभाषेतून शिकूया, प्रगती करूया !
असे आणखी माहितीपूर्ण लेख, व्हीडीओ, ऑडिओ मिळविण्यासाठी आणि मराठीतून शिकण्यासाठी आजच व्हॉट्सअ‍ॅप वर आमचा ग्रुप जॉइन करा.

https://chat.whatsapp.com/Ip4ab5E7gGU52GQS3uC7pq?mode=ems_copy_t

येथे क्लिक करा.
================

याचे फायदे काय?

नॅचरल कूलिंग: समुद्राचे पाणी नैसर्गिकरित्या थंड असते, त्यामुळे मशिन थंड करण्यासाठी लागणाऱ्या विजेची मोठी बचत होते.

जागेची बचत: जमिनीवरील महागडी जागा वाचते.

प्रचंड वेग: जगातील मोठी शहरे किनारपट्टीवर आहेत. डेटा सेंटर जवळ असल्यास इंटरनेटचा वेगही अधिक मिळतो.

काही वर्षांपूर्वी Microsoft ने 'Project Natick' द्वारे हे शक्य असल्याचे दाखवून दिले होते, पण चीन आता याला मोठ्या स्तरावर (Commercial Scale) नेण्याचा प्रयत्न करत आहे.

समुद्राच्या खाऱ्या पाण्यात हे सर्व्हर्स किती काळ टिकतील? दुरुस्तीसाठी पुन्हा बाहेर काढणे किती खर्चिक असेल? याचे उत्तर अजून कोणाकडेही नाही. पण एक गोष्ट स्पष्ट आहे – AI ची विजेची भूक अफाट आहे.

जर ही मागणी अशीच वाढत राहिली, तर भविष्यात आपल्याला डेटा सेंटर्स फक्त समुद्राखालीच नाही, तर अंतराळात किंवा अतिशय थंड प्रदेशातही पाहायला मिळतील!

टीम नेटभेट

नेटभेट ई-लर्निंग सोल्युशन्स

मातृभाषेतून शिकूया, प्रगती करूया !